Алматыда Наурызбай аудандық сотының төрағасы көз жұмды

Фото: ашық дереккөзден

Белгілі заңгер Серікбай Төлепбергенов 54 жаста болған

Алматы қаласы Наурызбай аудандық сотының төрағасы мезгілсіз қайтыс болды, деп хабарлайды Almaty.tv тілшісі ҚазАқпаратқа сілтеме жасап.

Қалалық соттың баспасөз қызметі хабарлағандай, кеше 9 тамыз күні 54 жасында белгілі заңгер, Наурызбай аудандық сотының төрағасы Серікбай Төлепбергенов оқыс жағдайда көз жұмған.

«Алматы судьялар қауымдастығы атынан марқұмның туған-туыстарына, отбасына қайғырып көңіл айтамыз. Бұл орны толмас қайғы. Оның жарқын бейнесі біздің жүрегімізде мәңгі сақталады және оның есімі ҚР сот жүйесінің тарихында қалады», – деп хабарлады баспасөз қызметі.