Қызылорда - Семей бағытындағы жолаушылар поезында өрт шықты

8 қазан күні сағат 02.45-те көлік полициясына Жамбыл облысындағы "Бурный - Сұрым" өткелінде Қызылорда - Семей бағытындағы жолаушылар поезының электр қондырғы бөлмесінде өрт болғаны жөнінде хабарлама түсті, деп хабарлайды Almaty.tv тілшісі Polisia.kz-ке сілтеме жасап.

Оқиға орнына көлік полициясының жедел-тергеу тобы келіп, дереу өртенген вагонның екі жағын ағытып, 34 жолаушыны қауіпсіз вагондарға шығарды. Поезд бригадасымен бірлесіп, көлік полициясы патрульдік нарядының қызметкерлері Шамиль Керімбаев пен Ержан

Майсупов жоғары кәсіби шеберлік көрсетіп, адам өміріне араша түсті. Бірлескен іс-шараның нәтижесінде жолаушылар зардап шеккен жоқ. Аталған факті бойынша тергеу басталды.