Алматы – Өскемен тасжолында автобус сынып, жолаушылар суықта тоңып қалған

Алматы – Өскемен тасжолында автобус бұзылып, жолаушылары суықта тоңып қалған, деп хабарлайды Almaty.tv.    

Қоғамдық көлікте жүргізушілерді қосқанда 29 адам болған. Температурасы -6 градусқа дейін төмендеп кеткен ауа райы жолаушыларды әбден әбігерге салыпты.

Автобустың қозғалтқышы істен шығып, жылыту жүйесі өшіп қалса керек. Бірақ жолда қалған адамдарға жол сақшылары дер кезінде көмек көрсетіп, жуық жердегі жатақханаға орналастырған. Ал автобус техникалық жөндеу орталығына жеткізілген.

«Халыққа көмек көрсеткені үшін Үржар ауданының полиция бөліміне көп алғысымызды айтамыз», – деді тұрғындар.