Республикалық маңызы бар Атырау-Орал тасжолында көлік қозғалысы тоқтатылды, деп хабарлайды Almaty.tv.
Қимыл-қозғалыс шектелген аумаққа Махамбет пен Индер аудандары кіреді. Уақытша өзгеріске Жайықтың деңгейі тасып, қауіптің артуы себеп болған. Арнасынан асқан су 5 ауылдық округтегі жағдайды қиындатты. Ал апаттың алдын алу үшін өңірдегі күштік құрылымдар бақылауды күшейткен.
– Махамбет ауданы Жалғансай ауылы тұсындағы республикалық маңызы бар Атырау - Орал тасжолының 56 шақырымында көлік қозғалысы уақытша тоқтатылды. Соған байланысты Махамбет ауылы мен Орал қаласына қатынайтын автокөліктер үшін облыстық маңызы бар Атырау-Индер тасжолы және Ортақшыл–Махамбет ауылы тұсындағы көпір ашық, – деді Махамбет ауданының әкімі Қайрат Нұрлыбаев.
Оқи отырыңыз: Қарғын су: еліміздегі 8 өңірде төтенше жағадай сақталуда
