Петропавлда лифт шахтасынан өрт шықты

Петропавлда көпқабатты тұрғын үйде лифт шахтасынан өрт шықты, деп хабарлайды ҚазАқпарат.

Солтүстік Қазақстан облыстық Төтенше жағдайлар департаментінің баспасөз қызметінің ақпараты бойынша, өрт 9 қабатты тұрғын үйден шыққан. Жұмыс істемейтін лифттің шахтасындағы қоқыс тұтанған. Құтқарушылар жоғарғы қабаттардан 80 адам эвакуациялады. Соның ішінде 16 бала бар. Ешкім зардап шекпеді. Өрт 4 шаршы метр аумақты қамтыған. Оның неден шыққаны анықталып жатыр.