Алматыда «Мизам» базары өртеніп жатыр

Алматыда «Мизам» базарында контейнер өртенді, деп хабарлайды ҚазАқпарат.

Жетісу ауданы, Солтүстік айналма жолының бойында орналасқан  78/1 – «Мизам» базарының аумағында контейнер отқа оранды. Өрт сөндіру бригадасы оқиға орнында өртті сөндіруге талпынып жатыр. 

Төтенше жағдайлар департаментінің мәліметінше, жанып жатқан жер – бірқабатты қойма (металл-пластмассадан жасалған бұйымдар сақталған). 

Ең қауіптісі – жақын жердегі қоймаларға өршуі мүмкін. Қойма 50 шаршы метрді құрайды. Оның қабырғасы кірпіш, шатыры металл. ТЖД  43 қызметкері мен 12 техника жұмылдырылды. Қосымша өрт сөндіру техникасы жіберілді.