Алматы облысында көлік апаты болып, 4 адам қаза тапты

Алматы облысында көлік апаты болып, 4 адам қаза тапты. Оқиға кеше күндіз 14.00 шамасында Бақанас - Қапшағай тасжолында болған, деп хабарлайды Almaty.tv.

Алдын ала болжам бойынша шығысқа бет алған 58 жастағы «Toyota Land Cruiser» көлігінің жүргізушісі кенеттен қарсы бағытқа шығып кеткен. Нәтижесінде алдынан шыққан «Toyota Mark-2» көлігіне соқтығысқан. Апат салдарынан 4 адам көз жұмып, ауыр жарақат алған 2 азамат  Қапшағай қалалық ауруханасына жеткізілді. Қазір оқиғаға қатысты сотқа дейінгі тергеу жүріп жатыр.