Ақтауда балабақшада 1 жасар бала көз жұмды

2018 жылы туған бала жеке балабақшада көз жұмды, деп хабарлайды Stan.kz ақпарат агенттігі Маңғыстау облысы Полиция департаментінің баспасөз қызметіне сілтеме жасап.

Қайғылы оқиға 6 желтоқсанда түскі уақытта орын алған.

Бүлдіршін 27 шағынауданда орналасқан жеке балабақшада күтушімен отырғанда қайтыс болған.

Баланың неден қайтыс болғаны белгісіз.

«Оқиға фактісі Ақтау ПБ-нің сотқа дейінгі тергеулердің бірыңғай тізіліміне Қазақстан Республикасы Қылмыстық кодексінің 001-бабы бойынша (Адам өлімі) тіркелді», - деп хабарлады полицияның баспасөз қызметі.