Атыраудағы жарылыстан зардап шеккендердің бірі көз жұмды

Атырауда газ құю стансасындағы жарылыстан зардап шеккендердің бірі ауруханада көз жұмды, деп хабарлайды Almaty.tv ҚазАқпаратқа сілтеме жасап.

Оқиға 5 маусымда болған еді. Жарылыстан күйік шалған 4 адам ауруханаға түсті.

Соның бірі – газ таситын көліктің жүргізушісі. Өкінішке қарай, денесінің 90 пайызын күйік шалған жүргізуші ауруханада қайтыс болды.

Жүргізуші Құрманғазы ауданының тумасы. Атырау қаласында баспана жалдап тұрған. Артында төрт баласы мен аяғы ауыр келіншегі қалды.