Ит қапты: Жаркентте ер адамның денесі табылды

Жаркентте көшеден ер адамның денесі табылды. 54 жастағы жергілікті тұрғынды ит талаған деген болжам бар, деп хабарлайды Almaty.tv.

Марқұмның бас еті жырым-жырым жараланған. Қазір полицейлер оқиғаны жан-жақты зерттеп жатыр. Ер адамды күшіктеген питбуль өлтіруі мүмкін. Себебі жақын маңдағы жер үйдегі төбеттің денесінен қан тәрізді қоңыр дақ табылған.

«Жақын маңдағы жер үйде питбуль тұқымды ит анықталып, оның жүнінде қан тәрізді қоңыр дақ болды. Итті уақытша ұйықтатып тастады. Ер адамның ажалы шынымен де ит қапқаннан болған-болмағаны қазіргі уақытта анықталуда», – деді Жетісу облысы Полиция департаментінің ресми өкілі Меруерт Морякова.