Мегаполистің теміржол стансасының бірінде пойыз рельстен шығып кетті

Алматыда жолаушылар пойызы рельстен шығып кетті, деп хабарлайды Almaty.tv.

Оқыс оқиға Алматы-2 теміржол стансасында болған.

«Қазақстан темір жолы» ұлттық компаниясының дерегінше, рейске шығатын пойыздарды тексеретін техникалық паркте жүріп келе жатқан вагонның 2 дөңгелегі бірдей шығып кеткен.

Пойызда жолаушылар болмаған, зардап шеккендер жоқ.

Оқиғаның мән-жайын анықтау үшін арнайы комиссия құрылды.

Оқи отырыңыз: Алматы тауларында адасып кеткен Грекия азаматы құтқарылды