Елордадағы дәмханада болған жарылыстан зардап шеккен азаматтар ауруханадан жақында шығарылады, деп хабарлайды Almaty.tv.
Қазір олардың денсаулығы қалыпты дейді дәрігерлер. Естеріңізге салайық, жақында бас қаладағы кафелердің бірінде газ баллоны жарылып, 2 адам қаза тапқан еді. Отызға жуық адам түрлі жарақат алған. Құқық қорғау органдарының мәліметінше оқиғаға қатысты әлі сотқа дейінгі тергеу жүргізіліп жатыр.
«Қазіргі уақытта көпбейінді №1 қалалық ауруханада газ баллондарының жарылу салдарынан зардап шеккен 3 науқас ем қабылдап жатыр. Денсаулық жағдайлы жақсы. Жақын арада үйге шығарылады», – деді қалалық Қоғамдық денсаулық сақтау басқармасының баспасөз хатшысы Әйгерім Ардаққызы.
