Ақтөбеде бейіттегі темір қоршаулар мен құлпытастарды ұрлаған тұрғын ұсталды, деп хабарлайды ҚазАқпарат.
Полиция қаладағы Сүт зауыты ауданындағы бейтті тонаған тұрғынды қолға түсірді. Оқиға қаңтардың 21-інен 22-не қараған түні болды.
«Полиция қызметкерлері зираттан шығып, Ембі көшесіне қарай бағыт алған шана іздерін байқады. Іздер 40 жастағы ер адам тұратын жеке үйге әкелді. Тексеру кезінде оның үйінен бейіттердегі металл қоршаулар табылды. Ол арнайы ақша үшін тапсырмақ болған», - деді облыстық ПД баспасөз қызметінің жетекшісі Ерболат Сарқұлов Қылмыстық кодекстің «Ұрлық» бабы бойынша сотқа дейінгі тергеу басталды.
