|
23.02.2021 | 16:27

Ресейден Қазақстанға газ транзиті уақытша тоқтатылды

Орынбор облысындағы федерал магистральдық газ құбырындағы жарылыс 23 ақпанда болғаны хабарланды

Ресейден Қазақстанға газ транзиті уақытша тоқтатылды ©Станислав Красильников/ТАСС

Орынбор облысындағы «Союз» магистраль газ құбырында жарылыс болды, салдарынан Ресейден Қазақстанға газ транзиті тоқтатылды, деп хабарлайды Almaty.tv тілшісі Tengrinews.kz сайтына сілтеме жасап.

Орынбор облысындағы федерал магистральдық газ құбырындағы жарылыс 23 ақпанда болғаны хабарланды. Қазір апат салдарын жою жұмыстары жүргізіліп жатыр. Өңір бойынша ТЖМ төтенше жағдайдан зардап шеккендер жоқ деп хабарлады.

«Сағат 8.49-да (Нұр-Сұлтан уақыты бойынша 11.49-да) «Союз» магистраль газ құбырының нөлдік шақырымынан 123 шақырымына дейінгі газ құбыры учаскесінің жұмысы тоқтатылды. Алексеевка арқылы Қазақстан Республикасы аумағына келетін газ транзиті тоқтатылды»,  деп хабарлайды Ресейдің Энергетика министрлігі өкілдері.


Bólisý


Janalyqtar tizbegi

Жаңалықтарды қалт жібермеңіз!