Шымкентте күннің ыстығынан көліктің газ баллоны жарылды

Шымкентте көліктіңгаз баллоны жарылып, алты жолаушы ауруханаға жеткізілді, деп хабарлайды Almaty.tv тілшісі ҚазАқпаратқа сілтеме жасап.

Оқиға Қаратау ауданы, Нұрсат 2 шағынауданындағы №16 тұрғын үйдің алдында болған. Kia Rio маркалы автокөліктің артқы багажында көлемі 350 мл кішкентай газ балон жарылған. Салдарынан 6 жолаушы ауруханаға жеткізілді. Олардың 4-і балалар. 

«Жолаушыларға алғашқы көмек көрсетіліп, үйіне қайтарылды. Өрт болған жоқ. Алдын ала болжам бойынша күн сәулесінен автокөліктің багажы қызып кеткен болуы мүмкін», -делінген Шымкент қаласы ТЖД қоғаммен байланыс тобы таратқан хабарламада. 

Оқиға орнына ТЖД-нің 15 қызметкері мен 3 дана техника жұмылдырылды.