|
23.08.2019 | 15:39
2627

Маңғыстау облысында ауыл әкімі мен орынбасары сотталды

Олар өмір бойына мемлекеттік қызметте лауазымды қызмет атқару құқығынан айырылды

Маңғыстау облысында ауыл әкімі мен орынбасары сотталды

Маңғыстау облысы Мұнайлы аудандық сотында Маңғыстау ауылының әкімі Қалқатай Өтемұратовқа, оның орынбасары Бекболат Қасымовқа және "Мұнайлы аудандық сәулет және қала құрылысы бөлімі" мемлекеттік мекемесінің басшысы Азамат Көбегеновқа сот үкімі шықты, деп хабарлайды tengrinews.kz.

Олар ҚР Қылмыстық кодексінің 361-бабы 3-бөлігі 4-тармағы бойынша ("Лауазымдық өкiлеттiктерді теріс пайдалану") кінәлі болып танылды.  Қалқатай Өтемұратов 3 жыл алты айға, Бекболат Қасымов - 3 жылға және Азамат Көбегенов - 4 жылға сотталды. Олар өмір бойына мемлекеттік қызметте және жергілікті атқару органдарында лауазымды қызмет атқару құқығынан айырылды.  

"Олар сот залында қамауға алынды. Сот үкімі заңды күшіне енген жоқ. Тараптар 15 күн ішінде апелляцияға бере алады", - деді облыстық сот баспасөз қызметінің өкілдері.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир