|
Jol
24.05.2024 | 15:40
303

Полицейге тіл тигізгендерге қандай жаза қолданылады

Алматы облысында екі ер адам ұсталды

Полицейге тіл тигізгендерге қандай жаза қолданылады  polisia.kz

Алматы облысының Талғар ауданында екі мас ер адам полиция қызметкерін балағаттап, агрессия танытты, деп хабарлайды Аlmaty.tv тілшісі Рolisia.kz-ке сілтеме жасап. 

Ведомствоның ақпараттық медиа-порталында жарияланған ақпаратқа сүйенсек, қала маңындағы саяжайлардың біріне шу мен айқайға алаңдаған жергілікті тұрғындардың шақыруына учаскелік полиция инспекторы келген.

- Міндетін атқарып жатқанда құқықбұзушылар тәртіп сақшысын балағаттады. Куәгерлердің айтуынша, ер адамдар өзін агрессивті ұстап, құқық қорғау органдарының қызметкеріне дөрекі сөйлеген, - делінген ведомство хабарламасында. 

Күдіктілер жедел ұсталып, полиция бөлімшесіне жеткізіліп, қызметтік міндеттерін атқару кезінде билік өкілін қорлау фактісі бойынша қылмыстық іс тіркелген. Тәртіп сақшылары азаматтарды қоғамдық тәртіпті сақтауға және азаматтардың қауіпсіздігін қамтамасыз ететін құқық қорғау органдарының өкілдеріне құрметпен қарауға шақырады.

- Құқық қорғау органдарының қызметкерлеріне қатысты мұндай іс-әрекеттерге жол берілмейтінін және заңға сәйкес жолы кесілетінін еске саламыз. Билік өкілін қорлау айыппұлдар, түзету жұмыстары немесе бас бостандығынан айыру жазасы қарастырылған ауыр құқық бұзушылық санатына жатады, - деп ескертті полицейлер.

Оқи отырыңыз:Өскеменде көлік ағашқа соғылып, 1 адам қайтыс болды

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир