Батыс Қазақстан облысында 280 мүйіз қаққан браконьерлер құрықталды

Фото: Сакен Ділдахмет

Аталмыш факті Ақжайық ауданының полиция бөлімінде тіркеліп, қылмыстық іс қозғалған

БҚО-да «Охотзоопром» инспекторлары 280 мүйіз қаққан браконьерлерді құрықтады. Бұл туралы ҚР АШМ Орман шаруашылығы және жануар дүниесі комитетінің баспасөз хатшысы Сәкен Ділдахмет өзінің Фейсбук парақшасында жариялады, деп хабарлайды Almaty.tv тілшісі.
Рейдтік шара барысында «Охотзоопром» инспекторлары Батыс Қазақстан облысы Ақжайық ауданының Шапаев ауылының маңындағы Атырау-Орал тас жолында БҚО азаматының басқаруындағы ресейлік нөмірлі Suzuki маркалы автокөлігін тоқтатқан.
Көлікті тексеру барысында киік аңының 280 дана мүйізі табылып, тәркіленген.
Сәкен Ділдахметтің айтуынша, аталмыш факті Ақжайық ауданының полиция бөлімінде тіркеліп, ҚР Қылмыстық кодексінің 339-бабымен қылмыстық іс қозғалған.