Алматы-Бішкек тас жолында көлік апатынан 5 адам қаза тапты

Оқиға бүгін таңғы сағат 8.00 шамасында орын алған. 29 жастағы әйел адам басқарып келе жатқан Мазда-626 маркілі жеңіл көлік «Алматы-Бішкек» трассасының 84-ші шақырымында «Shacman» маркілі жүк көлігімен соқтығысқан, деп хабарлайды Almaty.tv тілшісі.

Салдарынан 5 адам оқиға орнында тіл тартпай кеткен. Ал түрлі дене жарақаттарын алған 3 адам Жамбыл ауданының ауруханасына аса ауыр халде жеткізілген. Алматы облыстық полиция өкілдері жол апатының мән-жайы арнайы тергеу жұмыстарынан соң анықталатынын айтты.