БҚО-да құдыққа құлаған сәби көз жұмды

Батыс Қазақстан облысында құдыққа құлаған кішкентай бала көз жұмды, деп хабарлайды Almaty.tv тілшісі ҚазАқпаратқа сілтеме жасап.

БҚО полиция департаментінің баспасөз қызметінен мәлім еткеніндей, оқиға 14 маусымда Жәнібек ауданы Жәнібек ауылында болды.

«Шамамен сағат 22.00-де 2021 жылғы 6 шілдеде дүниеге келген ұл бала Ғ. Қараш көшесі, 61 мекенжайы тұсында тереңдігі 2 метр, ашық жатқан, су толы құдыққа құлап кеткен. Бала Жәнібек аудандық орталық ауруханасына жеткізілгенмен, есін жия алмастан қайтыс болды. Қазіргі кезде аталған оқиға бойынша сотқа дейінгі тергеу амалдары жүргізіліп жатыр. Сот-медициналық сараптама тағайындалды», - деп хабарлады ведомстводан.

Тұрғындардың айтуына қарағанда, бала аудан әкімдігі ғимаратының артында орналасқан құдыққа түсіп кеткен.