Ақтөбе облысында жантүршігерлік жол апатынан 3 адам қаза тапты

Ақтөбе облысында жантүршігерлік жол апатынан 3 адам қаза тапты, деп хабарлайды Almaty.tv.

Самара-Шымкент автожолының 765-шақырымында Mercedes жүк көлігі мен ВМW соқтығысып, жеңіл машинаның жүргізушісі мен екі жолаушы оқиға орнында тіл тартпай кетті. Тағы бір жолаушы Ақтөбедегі ауруханаға жеткізілген. Ал жүк көлігін тізгіндеуші ауыр жарақат алмаған көрінеді. Полиция басқармасы апаттың себебін анықтап жатыр.

– Ақтөбе қаласы Полиция басқармасы барлық жолаушыларға жол қозғалысы ережесін қатаң сақтауға шақырады. Құрметті жүргізушілер, жол қателікті кешірмейді! Жолда абай және сақ болыңыздар, – деді Ақтөбе қалалық Полиция басқармасының бастығы Әсет Қалиев.

Оқи отырыңыз: Қарағанды облысында балалар жаппай уланып, бір бала көз жұмды