Алматы облысында карантин кезінде балық аулаған балықшылар тобы ұсталды

Алматы облысында карантин кезінде балық аулаған балықшылар тобы ұсталды, деп хабарлайды Polisia.kz.

Алматы облысының полицейлері бекеттен заңсыз аң аулаудан келе жатқан браконьерлерді ұстады. Таңертең сағат 09.40 шамасында Еңбекшіқазақ ауданы аумағындағы Ақтоған және Шелек кенттерінің арасындағы жолдан «Ниссан» маркалы автокөлігі тоқтатылды. Көлікте 34 жастағы жүргізуші мен 57, 41 және 38 жастағы үш жолаушы болған.

Автокөлікті тексеру барысында олардан ластылары бар гидрокостюм, су асты аңына арналған гарпун – мылтық, шам, резеңке қайық және 140 килограммнан асатын ірі мөлшердегі түрлі балықтар – сазан, ақ амур, жыланбас балық, көксерке және ақтабан табылды. Ұсталған азаматтардың бірі өз кінәсін мойындап, аулау құралдары оның меншігі болып табылатынын және табылған барлық балық гарпунның көмегімен Қапшағай суқоймасынан ауланғанын айтып берді. Аталған дерек ҚР Қылмыстық кодексінің 335-бабының 1-бөлігі (айтарлықтай залал келтіре отырып балық ресурстарын заңсыз алу) бойынша сотқа дейінгі тергеп тексерудің бірыңғай тізіліміне тіркелді.