Нұр-Сұлтан қаласындағы «Қазақмыс» ғимаратынан өрт шықты, деп хабарлайды Almaty.tv.
Қалалық Төтенше жағдайлар департаментінің баспасөз мәліметінше, өрт бүгін, яғни 21 қыркүйек күні сағат 18-33 минутта Тұран даңғылы 37/10 мекенжайынан шыққан.
«ТЖД Өрт сөндіру бөлімшелері жеке құрамының 44 адамы мен 11 техникасы жоғары шақыру нөмірі бойынша шықты. Алдын ала ақпарат бойынша ғимараттың шатыры және қаптауы жанып жатыр. Шақырту орнына өрт сөндірушілер 5 минуттан кейін дереу жетті», - делінген ТЖД хабарламасында.
Қазіргі уақытта барлау жұмыстары жүргізіліп жатыр.
