Алматыдағы дезинфекция жұмыстары базарларда да жүргізіліп жатыр

Алматыдағы күшейтілген дезинфекция жұмыстары базарларда да жүргізіліп жатыр, деп хабарлайды Almaty.tv.

Онда адам көп келіп кететіндіктен әр есік, терезе мен сөрелер арнайы қоспамен тыңғылықты тазалануда. Атап айтқанда, бір ғана "Барыс 4" базарының аумағы 1200 шаршы метрді құрайды. Шаһардағы көтерме сауда орны болғандықтан, күніне мұнда мыңдаған тұтынушы келеді.

Базар әкімшілігі өкілдерінің сөзінше, жоспарлы дезинфекциядан бөлек мұнда аптасына екі рет тазалық жұмыстары жүріп тұрады екен. Айта кету керек, тұтынушылардың қауіпсіздігі үшін барлық базардағы дезинфекция жұмыстары тек түнгі уақытта жасалады. Мұндай залалсыздандыру жұмыстары шаһардағы барлық базарларда жүргізілетін болады.