Aлабайдың әлегі: Мәдинаға ота жасаған дәрігерлер бетіндегі жібін алды​

Ойнап жүріп, алабайға таланған 7 жасар Мәдинаға ота жасаған дәрігерлер бетіндегі жібін алды, деп хабарлайды Almaty.tv тілшісі.

Қазір қыздың, анасының айтуынша, денсаулығы оңалып келеді. Алайда жарасы толық жазылмайынша дәрігерлердің жіті бақылауында болмақ. Баламен психологтар жұмыс істеп жатыр.  Еске салсақ, оқиға Алматы облысындағы Тұздыбастау ауылында болған.

«Лайықты жазасын алсын. Мен кешірмеймін. Екі дүниеде де кешірмеймін. Менің балапанымды шырылдатып жылатқаны үшін кешіре алмаймын. Кешірім бере алмаймын. Прокуратураға да жаздым. Бәрін әділетті шешеміз деп айтты», – деді Мадинаның анасы Жансая Тұрсын.

5 мамырда Алматы облысына қарасты Тұздыбастау ауылында қыз бала 2 алабайға таланып, ауыр жарақат алғанын еске салайық.