Алматыда коқыс таситын көлікпен қалаға кірмек болғандар ұсталды

Алматыда карантин талаптарын бұзып, шекарадан қалаға заңсыз өтпек болғандардың әрекеті тиылмай тұр, деп хабарлайды Almaty.tv.

Бұл жолы қоқыс таситын көлік иесі ұсталды. Ол қызметтік көлікке 5 адамды жасырып өткізбек болған. Олардың екеуі – әйел. 3 адам көліктің артқы салонына, ал 2 адам қоқыс таситын контейнерге тығылған. Көліктегілердің бәрі де облыс тұрғындары. Біреуі тусықаныма барам десе, енді береуі қалада жұмыс істеймін деп сылтау айтқан көрінеді. Қалалық Полиция департаментінің мәлімдеуінше, қазір оларға әкімшілік құқық-бұзушылық шара қолданылды. Карантин талаптарын сақтамағаны үшін оларға айыппұл салынады немесе 15 тәулікке дейін қамауға алынады.