27 маусым күні кешке Алматы қаласының орталығы жартылай жабылады

Қазақстан полициясы күніне арналған «Полиция – Ел қорғаны» фестиваліне байланысты 27 маусым күні сағат 19:00-ден 23:00-ге дейін Республика сарайына іргелес аумақта көлік қозғалысына жартылай шектеу қойылады, деп хабарлайды Almaty.tv.

Шектеулер қолданылады:

• Достық даңғылы бойымен – Құрманғазы көшесінен Сәтбаев көшесіне дейін (екі бағытта);
• Абай даңғылы бойымен – Достық даңғылынан Назарбаев даңғылына дейін (екі бағытта).

Фестивальге келген қонақтардың санын ескере отырып, қоғамдық қауіпсіздікті қамтамасыз ету мақсатында жол қозғалысы реттелмек.

Жүргізушілерден өз бағытын алдын ала жоспарлауды және уақытша шараларға түсіністікпен қарауды сұраймыз.

Бұл күнді бізбен бірге – полиция қызметкерлері, азаматтар және Заң тәртібіне қызмет ететіндермен өткізіңіз!

Отбасыңызбен келіңіз – Сіз технология демонстрациясын, дрон шоуын, қазақстандық жұлдыздардың өнерін және нағыз қауіпсіздік мерекесін тамашалайсыз!

Оқи отырыңыз: 600 тонна қорғасын мен 100 тонна алюминий құймаларын шетел асырмақ болғандар ұсталды