Алматыда Медеуге дейінгі жол 14 жылда алғаш рет жөнделді

Алматыда қаланың көше-жол желісіне орташа жөндеу жұмыстары аяқталып қалды. Биыл мегаполис әкімі Ерболат Досаевтың тапсырмасы бойынша қаланың басты көрікті жерлерінің бірі – «Медеу» биік таулы спорт кешеніне апаратын жол учаскесі жөнделді, деп хабарлайды Almaty.tv.

Керей Жәнібек хандар көшесін, «Медеу» БСК-не дейінгі жалғыз жолды жөндеу 15 жылға жуық жүргізілген жоқ. Бұл ретте Алматыдағы жолдардың жөндеу аралық мерзімі – 5 жыл. 

2024 жылы ұзындығы 10 км жол учаскесінде асфальтбетон жабыны толығымен ауыстырылды. Сонымен қатар, жаяу жүргіншілердің қауіпсіздігін қамтамасыз ету үшін алғаш рет 14 шақырымға жуық тротуар  жасалды. Сондай-ақ 37 өздігінен жүретін немесе «қалқымалы» кәріз люктері орнатылды. Бүгінгі таңда барлық жөнделген учаскеде жол белгілері бар. 

«Бұл көшені жөндеу кезінде полимерасфальтбетон пайдаланылды, ол жабынның калибрге төзімділігін, сондай-ақ оның беріктік сипаттамалары мен жарықтарға төзімділігін арттырды. Полимерлері бар асфальттың жұмсарту температурасы әдеттегіден жоғары, сондықтан ол ыстыққа төзімді, әрі ұзақ қызмет етеді», - деп атап өтті жол ғылыми-өндірістік орталығы басшысының орынбасары Азамат Жайсанбаев.

«Жалпы жол» Жол қозғалысы қауіпсіздігі қауымдастығы» қоғамдық бірлестігінің басшысы Арсен Шакуовтың айтуынша, аталған учаскедегі жаңа тротуарлар жаяу жүргіншілерге жайлы.

«Туристер мен қала қонақтары үнемі жүретін бұл жолды жөндеу ерте жөндеу керек еді. Өйткені, «Медеу» - қаланың басты көрікті жерлерінің бірі. Демалыс күндері қала тұрғындарының өздері  осы жаққа барғанды ұнатады, көбісі жаяу жүреді, қоғамдық көліктер мен тротуарлар, жаңа белгілер мен жақсы жол қажеттілік», – деп атап өтті Арсен Шакуов.

Оқи отырыңыз: Азаматтық бастама: қалада Абай даңғылындағы аллея жаңартылды