Референдум – демократиялық жолдың дамуына бастайтын нық қадам

Референдум – демократиялық жолдың дамуына бастайтын нық қадам. Бұл – жалпыхалықтық дауыс беруге мол сенім артқан мәдениет өкілі Сәбит Әбдіхалықовтың пікірі, деп хабарлайды Almaty.tv.

 Ескі жүйеден Жаңа Қазақстанға көпір болғалы тұрған шараға қатысу баршамыздың азаматтық борышымыз деген қайраткер, өзінің референдумға міндетті түрде қатысатынын айтып, халықты да тыс қалмауға шақырды.

«Халықтың әл-ауқаты жақсарады. Халықты еститін билік болады. Жалпы халықтың әлеуметтік жағдайы жақсарады деген ниетте елімізде 25 жылдан кейін болайын деп жатқан үлкен өзгеріске, Ата заңымызға жаңа баптар енуіне бүкіл халық болып, ел болып ат салысайық», – деді Қазақстанның еңбек сіңірген қайраткері Сәбит Әбдіхалықов.