Зәкіржан Күзиев Алматы қаласы ҚХА шығармашылық ұжымдарының жетекшілерімен кездесті

Алматы қаласының Достық үйінде мәжіліс депутаты Зәкіржан Пірмұхамедұлы Күзиев пен Алматы қаласы ҚХА шығармашылық ұжымдарының жетекшілерінің қатысуымен отырыс өтті, деп хабарлайды Almaty.tv тілшісі ҚХА-ның баспасөз қызметіне сілтеме жасап.

Қазақстан халқы Ассамблеясының шығармашылық ұжымдары еліміздегі ұлтаралық келісімді дамыту мен нығайтуда маңызды рөл атқарады. Қазақстан халқы Ассамблеясы өткізетін барлық шығармашылық іс-шараларға белсенді қатысады.

Іс-шара барысында Депутат алдағы республикалық референдум туралы, ҚР Конституциясына енгізілген барлық өзгерістер мен толықтырулар туралы егжей-тегжейлі түсіндірді.

Закиржан Пірмұхамедұлы Кузиев өз сөзінде: «Конституцияның жаңаруы іргелі сипатқа ие және елдің саяси жүйесін түбегейлі өзгертеді. Осы шешімдерді қабылдау процесіне халықтың қатысуы маңызды мәселе болып табылады. Мемлекет басшысы өз сөзінде референдум «ел тағдырын шешуге тікелей қатысуға» және «жан-жақты демократияландыру мен жаңа Қазақстанды құру бағытын нығайтуға» мүмкіндік беретінін атап өтті. Референдумның жариялануы «халық үніне құлақ асатын мемлекет» тұжырымдамасының жарқын көрінісі болып табылады. Референдум және Конституцияны өзгерту арқылы жаңа қоғамдық келісім жасалады деп айта аламыз. Әділеттілік қағидаты негізінде өзара қарым-қатынастың жаңа сипаты қалыптасады, өйткені жаңа Қазақстан, Президент айтқандай, Әділетті Қазақстан».

Соңында ол шығармашылық ұжымдардың басшыларын Қазақстан халқы Ассамблеясының жұмысында белсенділік танытқаны үшін алғыс хаттармен марапаттады.