Референдумда енгізілген өзгерістер жастарға мүмкіндік береді – Жанар Арнаева

Алматы жастар ресурстық орталығының белсенділері Ата заңға енгізілетін өзгерістерді қолдайды. Олар референдум Жаңа Қазақстанға негіз болады деген сенімдерін білдіріп, енді жаңашылдық күтетінін жеткізді, деп хабарлайды Almaty.tv тілшісі.

«Референдумда жастарға қатысты мәселелер айтылған. Президентті қолдаймыз», – деді Алмалы аудандық жастар ресурстық орталығының басшысы Бауыржан Махамбет.

«Қазіргі таңдағы референдумда енгізілген өзгерістер жастарға мүмкіндік береді. Қасым-Жомарт Тоқаев айтқандай жастар мүмкіндікті пайдалануы керек. Себебі Жаңа Қазақстанды бірге құруымыз қажет», – деді қалалық жастар ресурстық орталығының басшысы Жанар Арнаева.