Алматыдағы Перинатология орталығында 110 науқас референдумға қатысты

Алматыда республикалық референдум күні Перинатология және балалар кардиологиясы орталығының 110 пациенті дауыс беруге қатысты, деп хабарлайды Almaty.tv.

Орталық директоры Гүлнәр Нұрланованың айтуынша, науқастардың медициналық мекемеден шықпай-ақ референдумға қатысуына барлық жағдай жасалған.

«Жаңа Конституция елімізде дүниеге келетін әрбір сәби үшін де, олардың ата-аналары үшін де маңызды», — деді ол.

Көптеген әйел үшін дауыс беру ерекше тәжірибеге айналды, өйткені олар референдумға перзентхана бөлімшесінде жатып қатысу мүмкіндігіне ие болды.

Медициналық мекемеде дауыс беру науқастардың емдеу және бақылау режимін бұзбай ұйымдастырылды.

Оқи отырыңыз: Толқын Забирова да өз таңдауын жасады