Қазақстан еріктілер лигасының төрағасы отандастарын дауыс беруге шақырды

Қазақстан еріктілер лигасының төрағасы Нұрсұлтан Бекқайыров 20 қараша күні өтетін сайлаудың маңызын атап, отандастарын дауыс беруге шақырды.

«Өздеріңіз білетіндей 20 қарашада кезектен тыс Президент сайлауы өтеді. Барлықтарыңызды еліміздің Президентін таңдауға шақырамын. Менде Қазақстан Республикасының азаматы ретінде  өзімнің құқығымды пайдалана отырып учаскеме барып дауыс беремін. Сол себепті біз осы сайлауға белсенді түрде қатысуымыз керек», – деді Қазақстан еріктілер лигасының төрағасы Нұрсұлтан Бекқайыров.

Алматы қаласы әкімдігінің «Open Almaty» қоғамдық қабылдау сайтында және білім басқармасының мемлекеттік қызметтер порталында сайлаушылар тізімдерінен өзіңізді тексеруге мүмкіндік беретін сервис қолжетімді.