Алматылық студенттерге сайлау заңнамасы түсіндірілді

Сайлаудың маңыздылығын талқылауға арналған жиын бүгін Абылай хан атындағы Қазақ халықаралық қатынастар және әлем тілдері университетінде өтті, деп хабарлайды Almaty.tv.

Онда үкіметтік емес ұйым өкілдері, студенттер мен профессор-оқытушылар құрамы бас қосты. Іс-шара барысында алдағы саяси науқанға қатысты бірқатар мәселелер талқыланды.

«Бұл – еліміз үшін, барша халқымыз үшін сайлауды, елімізде болып жатырған жаңа өзгерістерді  халыққа түсіндіру. Сабақта студенттерге, жалпы басқа да мамандықтарда оқитын студенттерге бұл туралы әрдайым айтып отырамыз сабақтарда», – деді Абылай хан атындағы Қазақ халықаралық қатынастар және әлем тілдері университеті факультетінің деканы Нұрлан Құдайбергенов.