"Жастарға жол" қоғамдық қорының президенті Рафаэль Гасанов жалпықалалық баспасөз орталығында өткен брифингте қор еріктілері ертеңгі дауыс беруге бақылаушы ретінде қатысуға толығымен дайын екенін атап өтті, деп хабарлайды Almaty.tv.
"Біз сайлау процесін бақылауға алғаш рет қатысып отырмыз. Бүгінгі таңда біздің штабта бақылаушылар толығымен дайын, пакеттер, дәптерлер және т.б. алды. Олар оқытылған және сайлау учаскелері бойынша баруға дайын нақтыланған адамдар", - деді Р.Гасанов.
Алматы қаласындағы сайлауды ерікті негізде барлығы 548 жастар өкілі бақылайтын болады.
"Еріктілер қоғамдық негізде барады. Серіктестеріміздің арқасында біз олар үшін ертеңге құрғақ азық рационын ұйымдастырдық. Полиграфия бізге барлық материалды тегін басып шығарды. Біздің жас дизайнерлер бәрін өздері жасады. Бірлескен және ортақ күш-жігерімізбен сайлауға қатысуға дайын тұрмыз", - деп атап өтті қор президенті.
Р.Гасанов барлық ескертулерге тез жауап беру үшін дұрыс кері байланысты орнату маңызды екенін атап өтті. Ол үшін жедел желі телефоны +77784448585 жұмыс істейді.
"Егер сайлау учаскелерінде нормаларды бұзу бойынша қандай да бір жағдай болса, біз дереу әрекет етеміз. Біздің байқаушыларымыз сондай-ақ әлеуметтік желілерге де мониторинг жүргізетін болады. Бұрын біз учаскелерге мониторинг жүргіздік. Осыдан кейін, мысалы, мобильді медициналық пункттер пайда болды, бұл жақсы, өйткені адамдар кенеттен ауырып қалуы мүмкін. Біз кез келген бұзушылықтарға назар аударып, әрекет етіп, кері байланысқа құзырет шамасына қарай жауап беретін боламыз", - деп атап өтті ол.
