Бауыржан Сатов: IQ Almaty бағдарламасы арқылы жастардың білімді екеніне көз жеткіздім

«Алматы» телеарнасында IQ Almaty жобасының 2-маусымы көрерменге жол тартпақ, деп хабарлайды Almaty.tv.

IQ Almaty – шаһардағы ең талапты жастардың өзара білім сайысы. Бағдарлама жүргізуші – Бауыржан Сатов, ол ұсыныс түскенде бірден келіскенін айтады.

«Иә, бірден келістім. Менің тәжірибемде мұндай зияткерлік бағытта жүргізген бағдарлама болған жоқ, сол себепті қуана келістім. Жаныма әр бағдарламада түрлі өнер жұлдыздары келіп көмектеседі. Олардың қатарында Өмірқұл Айниязов, Марат Омаров сынды ағаларымыз бар. Қалған қонақтардың есімін айтпай-ақ қояйын, кейін бірге көреміз», – деп қызықтырды Бауыржан Сатов.

Сонымен қатар, тележүргізуші бағдарламаның өзге жобалардан ерекшелігін атап өтті.

«IQ Almaty бағдарламасының ерекшелігі – қаламыздағы озық студенттердің  интеллектуалды жарысы, олардың білімділігі мен ізденімпаздығы көпті таңқалдырады. Содан-ақ, еліміздің болашағының жарқын екенін көруге болады. Қазіргі жастар шын мәнінде, білімді екеніне көз жеткіздім», – деді Сатов.

Бас жүлде 2 000 000 теңге үшін мегаполистің 20 ЖОО-ның ең білімді студенттерінен құралған 20 команда бақ сынайды. Жеңген командаға бас жүлдені қала әкімі Б.Сағынтаев салтанатты түрде табыстайды.

IQ Almaty жобасының 2-маусымына қатысушы ЖОО тізімі:

1. Алматы Менеджмент Университеті

2. Құрманғазы атындағы Қазақ ұлттық консерваториясы

3. Қ. И. Сәтбаев атындағы Қазақ ұлттық техникалық зерттеу университеті

4. Т. Жүргенов атындағы Қазақ ұлттық өнер академиясы

5. Абай атындағы Қазақ ұлттық педагогикалық университеті

6. С. Ж. Асфендияров атындағы Қазақ ұлттық медицина университеті

7. Әл-Фараби атындағы Қазақ ұлттық университеті

8. Қазақ ұлттық қыздар педагогикалық университеті

9. Логистика және көлік академиясы

10. Тұран Университеті

11. Радиоэлектроника және байланыс әскери инженерлік институты

12. Қазақ Британ техникалық университеті (ҚБТУ)

13. Халықаралық ақпараттық технологиялар университеті

14. Абылай хан атындағы Қазақ халықаралық қатынастар және әлем тілдері университеті

15. Қазақ Еңбек және әлеуметтік қатынастар академиясы

16. Д. А. Қонаев атындағы Еуразиялық Заң Академиясы

17. Каспий қоғамдық университеті

18. Нархоз Университеті

19. Орталық Азия университеті

20. Ғұмарбек Дәукеев атындағы Алматы энергетика және байланыс университеті