Күйзеліске түскен адам қайдан көмек ала алады – «Басты назарда»

Алматыда 28 жастағы әйелдің 9-қабаттан үш баласымен бірге секіріп кетіп, өзіне қол жұмсаған оқиғасы елді есенгіретіп тастады. Ол келіншектің неліктен мүндай әрекетке барғаны әзірге жұмбақ болып отыр. Осы орайда, «Алматы» телеарнасының «Басты назарда» бағдарламасы арнайы келген мамандармен бірге күйзеліске түскен адам психологиясы қандай болатыны, тығырыққа тірелген адамдардың қайдан көмек ала алатыны туралы мәселені талқылаған еді.

Алатау аудандық «Бақытты отбасы» аналарды қолдау орталығының басшысы Ақмарал Басирова мен «Жан-сая» дағдарыс орталығының психологы  Маржан Ізтілеуова тікелей эфирде өз ойларын ортаға салып, маңызды сұрақтарға жауап берді.