Римма Волосенко өзбекстандық екі дүркін Азия чемпионын жеңді

olympic.kz

Спортшылар үш раунд бойы тартысқа толы жекпе-жек өткізді

Римма Волосенко Әлем чемпионатында өзбекстандық екі дүркін Азия чемпионын жеңді, деп хабарлайды Almaty.tv тілшісі Zakon.kz-ке сілтеме жасап.

Спортты дамыту дирекциясының хабарлауынша, Нью-Делидегі әлем чемпионатының екінші жарыс күнінде 60 келіге дейінгі салмақ дәрежесінде шаршы алаңға Қазақстан құрамасынан Римма Волосенко шықты. Ол өзбекстандық Ситора Турдибековадан басым түсіп, жарыстың келесі кезеңіне өтті.

Спортшылар үш раунд бойы тартысқа толы жекпе-жек өткізіп, жеңімпазды төрешілер анықтады.

Нәтижесінде төрешілер шешімі бойынша қазақстандық боксшы жеңіске жетті (4:1). Римманың келесі қарсыласы Сербия өкілі Наталья Шадрина болады.