|
08.08.2022 | 09:20
1276

Шахмат Олимпиадасында Қазақстан әйелдер құрамасы үздік үштікке енді

Тоғызыншы раундта Болгария құрамасын 3:1 есебімен жеңді

Шахмат Олимпиадасында Қазақстан әйелдер құрамасы үздік үштікке енді  Фото: ашық дереккөзден

Ченнаи қаласында (Үндістан) өтіп жатқан Дүниежүзілік шахмат олимпиадасында Қазақстанның әйелдер құрамасы кестеде үшінші орынға көтерілді, деп хабарлайды Almaty.tv тілшісі Sputnik Қазақстанға сілтеме жасап.

Қазақстан әйелдер құрамасы тоғызыншы раундта Болгария құрамасын 3:1 есебімен жеңді.

Болгариямен болған кездесуде Жансая Әбдімәлік пен Гүлісхан Нахбаева Қазақстанға жеңіс әкелсе, Бибісара Ассаубаева мен Ксения Балабаева ойынды тең аяқтады. Тоғыз раундтан кейін Польша құрамасы көш бастап тұр, одан кейін Үндістан құрамасы келеді.

Ал Қазақстан ерлер құрамасы тоғызыншы раундта Сербия құрамасынан 1:3 есебімен ұтылып қалды. Мұртас Қажғалеев пен Арыстанбек Оразаев ойынды тең аяқтаса, Ринат Жұмабаев пен Әлішер Сүлейменов жеңілді. Тоғыз турдан кейін Қазақстан ерлер құрамасы 25-орынға жайғасты.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир