|
Спорт
22.07.2019 | 09:21

Қазақстандық боксшы алғаш рет жеңіліс тапты (видео)

Темірлан Райымқұлов кәсіби рингте өзінің үшінші жекпе-жегін өткізді

Қазақстандық 28 жастағы спортшы Темірлан Райымқұлов (2-0-2) Ресейдің Геленджик қаласындағы бокс кешіне қатысты.

Темірланның қарсыласы Америкада жаттығып жүрген швециялық Шади Гамхур (10-0, 8 КО) болды. 20 шілде күні өткен сегіз раундтық жекпе-жек жетінші раундта тоқталды, деп хабарлайды Sports.kz.

Боксшылар бір-біріне баспен соғылған соң, кездесу тоқтатылған болатын. Бұл жайтқа дейін швециялық спортшы басым еді. Осылайша, қазақстандық карьерасында алғаш рет жеңіліс тапты. Ал, Гамхуо он бірінші рет жеңіске жетті.

Дереккөзі: Sputnik

МАҚАЛАДА

жекпе-жек