ӘЧ-2022: Бүгін финалға берілетін алғашқы жолдама иесі анықталады

Қатарда өтіп жатқан футболдан 2022 жылғы әлем чемпионатында бүгін, 13 желтоқсанда Аргентина мен Хорватия финалға берілетін алғашқы жолдаманы сарапқа салады, деп хабарлайды Almaty.tv тілшісі ҚазАқпаратқа сілтеме жасап.

Кездесу елорда уақытымен 13-інен 14 желтоқсанға қараған түні сағат 01.00-де басталады. Тікелей эфир «Qazaqstan» және «Qazsport» телеарналарынан көрсетіледі.

Ойын Лусаил қаласындағы 89 мыңға жуық адамға арналған «Лусаил Айконик» стадионында өтеді.

FIFA рейтингінде Аргентина – 3, Хорватия 12-орында тұр.

Екі құрама бұған дейін бес мәрте кездесті. Құрамалар екі-екіден жеңіске жетсе, бір ойында тең нәтиже тіркелді.