Елена Рыбакина US Open турнирінің үшінші айналымына өтті

Depositphotos.com

Оның аустралиялық қарсыласы матчқа келуден бас тартқан

Қазақстанның бірінші ракеткасы Елена Рыбакина АҚШ ашық чемпионатының үшінші айналымына өтті, деп хабарлайды Almaty.tv.

Қазақстандық теннисші екінші айналымда дүниежүзілік рейтингте 127-орында тұрған, өткен жылы осы жарыстың ширек финалына дейін жеткен аустралиялық Айла Томляновичпен кездесуі керек еді.

Алайда аустралиялық спортшы матчқа келуден бас тартты да, Е.Рыбакина үшінші айналымға жолдама алды.

Естеріңізге сала кетейік, бұған дейін Елена украиналық теннисші марта Костюкті де жеңген болатын (39-орын) — 6:2, 6:1.

Елена Рыбакина төртінші айналымға шығу үшін әлемнің 30-ракеткасы, румыниялық Сорана Кырстямен таласады.

Оқи отырыңыз: Атырауда 1 қыркүйекте жол жүру тегін болады