|
04.07.2021 | 12:14
8177

Украинаға 4 гол соққан Англия жартылай финалға шықты

Енді жартылай финалда ағылшындар даттармен, испандар италяндармен ойнайды

Украинаға 4 гол соққан Англия жартылай финалға шықты Чемпионат

Англия құрамасы Еуропа чемпионатының ширек финалында Украина командасына қарсы ойнады.  Римдегі «Олимпиада» стадионында өткен ойында ағылшындар украиналықтарға жауапсыз 4 гол соқты, деп хабарлайды Almaty.tv тілшісі tengrinews.kz-ге сілтеме жасап.

Ойынның 4 минутында Рахим Стерлингтің тамаша пасын, капитан Харри Кейн голға айналдырды. Бірінші голдан шабыттанған Гарет Саутгейт командасы ойынды толық бақылауына алып үздіксіз шабуылдады. Бірінші таймда Украина құрамасы есепті теңестіре алмады.

Екінші тайм бастала салысымен, 46 минутта стандарттан Люк Шоу асырған пасты ағылшынның орталық қорғаушысы Гарри Магуайр баспен соғып, есепті еселей түсті. Арадан көп өтпей, тағы да Люк Шоудың пасын, Харри Кейн баспен соғып, дубль авторы атанды.

63 минутта ағылшындар төртінші голды соқты. Гол авторы Джордан Хендерсон болды.

Енді жартылай финалда ағылшындар даттармен, испандар италяндармен ойнайды.

Италия - Испания арасындағы алғашқы ойын матч 7 шілдеде Лондондағы (Англия) «Уэмбли» стадионында өтеді. Ойын Нұр-Сұлтан уақытымен 01:00-де басталады.

Дания - Англия 8 шілдеде Лондондағы «Уэмбли» стадионында (Англия) кездеседі. Матч Нұр-Сұлтан уақытымен 01: 00-де басталады.


Бұған дейін Украина мен Англия ширек финалға шыққанын жазған болатынбыз. Сонымен қатар, Франция турнирмен қоштасып, Испания ширек финалға жолдама алған болатын.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир