Испаниядағы әлем чемпионатында Қазақстанның ескі әнұраны ойналды

Алғашында қазақстандық гандболшылар абдырап қалды, алайда көп ұзамай жаңа әнұранды өздері әуенсіз орындап шықты

Испанияда өткен гандболдан әлем чемпионатында Қазақстанның ескі әнұраны орындалды, деп хабарлайды Almaty.tv тілшісі Sputnik сайтына сілтеме жасап.

Ескі әнұран Қазақстан мен Иран қыздар құрама командалары матчының алдында ойналды. Алғашында қазақстандық гандболшылар абдырап қалды, алайда көп ұзамай жаңа әнұранды әуенсіз өздері орындап шықты.

Бұл ойында Қазақстан Иран командасын 31:25 есебімен жеңіп, әлем чемпионатының негізгі кезеңіне шықты. Негізі кезеңде Қазақстан Германия, Венгрия және Чехия командаларымен ойнайды.