Канаданың Калгари қаласында өткен конькимен жүгіруден халықаралық турнирде қазақстандық Екатерина Айдова еліміздің жаңа рекордын орнатты, деп хабарлайды Olympic.kz.
Ол 1500 метрді 1.53.53 уақыт көрсеткішінде жүгіріп өтіп, турнир жеңімпазы атанды. Сондай-ақ, осы қашықтықтағы ел рекордын жаңартты. Ұйымдастырушылар ең үздік шетелдік спортшыға берілетін сыйлықты да Айдоваға табыстады.
Еске сала кетейік, Екатерина Айдова 3000 метрге жарысудан екінші орын алған болатын.
Масс-старт бәсекесінде қазақстандық Демьян Гаврилов бірінші орыннан көрінді.
1500 метрге жарысқан біздің спортшылардың нәтижесі төмендегідей:
Александр Кленко 8-ші, Демьян Гаврилов 11-ші, Дмитрий Морозов 14-ші, Виталий Щиголев 16-шы, Иван Аржаников 25-ші орында.
