Бокстан Қазақстан құрамасының бұрынғы бас бапкері Серік Әбденәлиев дүниеден озды

Отандық спорт ардагері Серік Әбденәліұлы Әбденәлиев дүниеден озды, деп хабарлайды Almaty.tv тілшісі zakon.kz-ке сілтеме жасап.

Серік Әбденәлиев – бүкіл өмірін боксқа арнаған жан. Өзі боксшы ретінде бірнеше рет ел чемпионатында топ жарса, мемлекеттік жаттықтырушы ретінде де жеткен жетістіктері ауыз толтырып айтарлық: оның басшылығымен боксшылар Атланта олимпиадасында төрт медаль жеңіп алды. Ал Сидней олимпиадасында бокс жарыстарына төрелік еткен бірінші қазақстандық төреші ретінде танылды.