Жанбота Алдабергенова шаңғы спортынан Еуропа кубогының күміс жүлдегері атанды

Жарысқа 8 мемлекеттен 25 спортшы қатысқан

Финляндияның Рука қаласында фристайл-акробатикадан Еуропа кубогы аяқталды. Қазақстандық Жанбота Алдабергенова турнирдің күміс жүлдегері атанды, деп хабарлайды Тengrinews.kz ҰОК баспасөз қызметіне сілтеме жасап.

Жарыс қорытындысы бойынша қазақстандық спортшы 170.08 ұпай жинады. Бірінші орынды аустралиялық Лаура Пил иеленген. Қола жүлдені украиналық Анастасия Новосад еншіледі. Ол 153.92 ұпай жинаған.

Қазақстан атынан сынға түскен Ақмаржан Қалмұрзаева мен Аяна Жолдас 13-ші және 17-ші орындарды қанағат тұтты.

Жарысқа 8 мемлекеттен 25 спортшы қатысты.