«Дай мяч»: оқушылар арасында баскетбол лигасы ақтық мәреге жетті

Балуан Шолақ атындағы спорт сарайында оқушылар арасындағы «Дай мяч» баскетбол лигасының ақтық мәресі өтті, деп хабарлайды Almaty.tv.

Үш санат бойынша командалар баскетбол лигасының чемпионы атағына таласты. Бес түрлі жас категориясында сынға түскен жасөспірімдер 44 команданың ішінен алға суырылып шыққан. Лигаға 719 оқушы қатысты. Аталмыш дода биыл 5-рет ұйымдастырылып отыр.

– 1-11-сыныптар арасындағы оқушылар қатысады. Мектеп лигасының өткізу ережесі бар. Балаларға өте ұнайды. Біз баскетболды жақсы көреміз, бұқаралық  спортқа енгізуге тырысамыз, – деді «Дай мяч» мектеп баскетбол лигасының ұйымдастырушысы Азамат Қабдылкәрімов.