Алматыда асық атудан жарыс басталды, деп хабарлайды Almaty.tv.
Ұлттық ойынның шымылдығы Наурызбай ауданында ашылды. Оған барлық тұрғын қатысып, нағыз сұр мергенді анықтады.
– Әрбір қазақ ұлттық ойынды білуі және оны ойнауы тиіс. Іс-шараны өткізіп, бас жүлде тігіп жатқан ұйымдастырушыларға рақмет! – деді қала тұрғыны Нұрлан Бақытжанұлы.
Бас жүлде демекші, асық ату жарысының ақтық сынында жеңімпаз жаңа көлік ұтып алады. Финалға 8 ауданнан іріктеуден өткен 8 тұрғын ғана қатысады. Ұйымдастырушылар соңғы ойынды қазанға жоспарлап отыр.
– Бірінші іріктеп, 3 айналым футбол ережесімен өтеді. Үш мүмкіндік береміз. Кім көп асық атып шығады, сол келесі айналымға өтеді. Ал жартылай және соңғы финалда шеңберден шығару ойынын өткіземіз, – деді ұйымдастырушы Шоң Өмен.
Оқи отырыңыз: Qaz365.kz – BAQ liga чемпионы атанды
