Данияр Елеусіновтің келесі жекпе-жегі 17 сәуірде өтеді

sportx.kz

Бұл оның кәсіпқойдағы оныншы кездесуі болады

Қазақстандық кәсіпқой боксшы Данияр Елеусіновтің (9-0, 5 КО) келесі жекпе-жегі 17 сәуір АҚШ-тың Оксон Хилл қаласына белгіленді. Жартылай орта салмақта өнер көрсететін 28 жастағы Олимпиада чемпионы бірінші титулды жекпе-жегін өткізуі мүмкін, деп хабарлайды Vesti.kz.

"Он раундты жекпе-жек болады. IBF, WBA, WBO немесе WBC ұйымдарының аймақтық белбеуі ойнатылатын шығар. Әзірге қарсылас жоқ. Бірнеше боксшымен келіссөз жүргізіп жатырмыз - жекпе-жек күні мен уақыты белгіленгенін күттік", - дейді менеджер Зия Алиев.

Елеусінов кейінгі рет рингке былтыр желтоқсанда шығып, америкалық Алан Санчесті (20-5-1, 10 КО) техникалық нокаутпен жеңген.